На македонската фолк-сцена дефинитивно и треба освежување, а тоа може да се направи само со појавување на нови и млади пејачи кои се подготвени да создаваат новокомпонирана песна.

Еден од тие е ѝ младиот Живе Мешуревски, кој пред само неколку дена ја објави својата втора песна со наслов „Не плаши се“. Тоа е песна создадена од едни од најдобрите автори на македонската фолк-песна, Борче Нечовски и Дејан Момировски.

Живе за новата песна сними и видеоспот, во кој покрај него се појавува и манекенката Моника Јованоска.

– За разлика од првата моја песна, оваа е со побрз и помодерен фолк-ритам, динамична и певлива. Искрено се надевам дека за брзо време ќе го пронајде својот пат до публиката, бидејќи сметам дека веќе се презаситени од увозна музика од соседството. Морам да потенцирам дека видеозаписот се снимаше во мојата убава Преспа на прекрасните локации како што се Отешево и Претор – вели Мешуревски.

Инаку Живе е студент по соло пеење на Факултетот за музичка уметност во Скопје кој и во иднина планира многу повеќе да работи на својата кариера. Тој вели дека за многу брзо публиката ќе има прилика да ја слушне и неговата трета песна, а до тогаш уживајте во „Не плаши се“.

Погледнете: