Во уште еден вознемирувачки случај во Велес, кој доаѓа само неколку дена по бруталното убиство на 31-годишната Росица Коцева и нејзиниот татко во градот, насилник прогонувал и во три наврати тепал жена – тој ѝ отишол на работното место и таму ја нападнал, а подоцна продолжил со насилството и двапати во нејзиниот дом, информираат од полицијата.

„На 18.09.2025 во 23:00 часот на улица „Благој Ѓорев“ во Велес, полициски службеници од СВР Велес го лишија од слобода Ј.С.(59) од Велес, постапувајќи по претходна пријава од 51-годишната К.Х. од Велес дека физички ја нападнал на нејзиното работно место, а подоцна во два наврати и во нејзиниот дом, каде што влегол со употреба на сила. Ј.С. е задржан во полициска станица, известен е јавен обвинител и по документирање на настанот против него ќе биде поднесена соодветна пријава“, пишува во полициското соопштение.

МВР во дневниот билтен не открива во какви односи биле насилникот и жртвата и дали и од каде се познавале.

Ново сведоштво | Пред 12 години го пријавила убиецот на Росица во полиција: „Јас можев да бидам на нејзиното место“