Медициснкиот протокол за групните тренинзи беше усвоен уште минатата недела по што сите екипи од Серија А од утре ќе можат да одржуваат групни тренинзи, а ФИГЦ сега го комплетира и протоколот кој се однесува за одигрување на натпреварите.

Крајниот рок за предавање на протоколот е 25. Мај, но тој е предаден еден ден порано и сега се очекува здравствено-научната комисија на италијанската влада   да го прегледа и до четврток да даде своер мислење.

Токму на 28. мај ќе биде познато каква ќе биде судбината на Серија А, но министерот Спадафора е оптимист по тоа прашање.
– Се работи на два датуми за продолжување на сезоната, тоа се 13 јуни и 20 јуни. Протоколот за продолжување на првенството е веќе утврден и тој е сличен на протоколот кој се користи и за сегашните тренинзи. Во четврток ќе биде донесена конечна одлука – изјави Спадафора.

Протоколот ги појаснува правилата за време на патувањето на екипите, отседнувањето во хотелите кои ќе мора да имаат посебни влезови и излези кои ќе бидат наменети само за членовите на фудбалските екипи. Исто така екипите ќе бидат одвоени од останатите гости и персоналот во хотелите.

Исто така договорено е клубовите да плаќаат за брзо тестови за корона како би можеле на еден час пред натпреварот да откријат дали некој фудбалер е позитивен на ковид-19. Протоколот пропишува дека на стадионот во време на натпревар може да има највеќе 300 лица, а меѓу нив се вбројуваат и фудбалерите, тренерите, лекарите, обезбедувањето и новинарите.