Новиот пејач на „Рибља чорба“ ја воодушеви публиката: Му беше придружен вокал на Бора, а сега достојно ќе го замени
Групата „Легенде“ вчеравечер одржа концерт, а како специјален гостин се појави Јован Јефтиќ, новиот пејач на групата „Рибља Чорба“, кој го замени легендарниот Бора Ѓорѓевиќ.
Препорачано
-
1
-
2
-
3
„Легенде“ вечерта го одржаа јубилејниот 60-ти концерт, а за првпат со нив на сцената се појавија „Рибља чорба“ со новиот пејач, кој пред белградската публика и во преполната сала ја изведе песната на Бора „Погледaj дом свој анџеле“.
Хорот од 120 гласови и новиот пејач Јован Јефтиќ им ги насолзија очите на присутните, а целиот впечаток во салата беше дека споменот на легендарниот Бора Ѓорѓевиќ сѐ уште живее.
View this post on Instagram
Долгогодишниот соработник на Бора, придружниот вокал Јован Јефтиќ пееше од срце и предизвика силни емоции кај публиката, која со овации го проследи настапот и на спектакуларен начин ѝ оддаде почит на рок ѕвездата.
Инаку, новиот пејач Јован Јефтиќ веќе го имаше својот прв настап со „Рибља чорба“ во Чачак.
Сепак, како главен вокал на култниот рок бенд, тој честа да настапи за првпат пред белградската публика ја имаше токму на јубилејниот концерт „Легенде“.
