Извршниот директор на крипто компанијата Тетер, Паоло Ардоино, даде интересна изјава, наведувајќи дека неговата компанија има финансиски средства за финансиски да го поддржи Јувентус 2.000 години.

Тетер неодамна купи малцински удел во италијанскиот фудбалски клуб од Торино.

– Ова беше процес кој траеше извесно време, неколку месеци, во кој купувавме акции. Сè уште сме мал играч. Ќе ви кажам искрено. Сакаме да му помогнеме на сегашното раководство – вели Ардоино.

Тој призна дека е навивач на Јувентус, како и неговиот партнер Џанкарло Девасини, со кого го основаа Тетер.

– Не ја исклучувам можноста дека еден ден би можеле да станеме спонзори на Јувентус, но во моментов не знаеме кои би биле условите за евентуален договор. Сето ова не го правиме за рекламирање. Минатата година ја завршивме со добивка од 13,7 милијарди евра. Имаме финансиски капацитет да го одржиме Јувентус во следните 2.000 години – рече Ардоино.