Норвежанецот Ерлинг Халанд руши рекорди во Премиер лигата, а сега ја освои првата поголема награда во Англија благодарение на фантастичната сезона.

Халанд е прогласен за „фудбалер на годината“ од страна на Здружението на новинари во Англија.

Досега во дресот на Манчестер Сити Халанд постигна 51 гол на 47 натпревари во сите натпреварувања. Во изборот Норвежанецот победил убедливо со освоени 82% од гласовите на новинарите и тоа е нов рекорд во изборот за оваа награда.

Во гласањето учествуваа повеќе од 400 новинари во Англија. Зад Халанд на второто место се најде Букајо Сака од Арсенал, на третото место заврши Мартин Одегард, а потоа следуваа Де Брујн и Рашфорд.