Управата на Барселона предводена од претседателот Жоан Лапорта се обидува да ја среди финансиската состојба на клубот, но наиде на нови проблеми и тоа во сопствените редови.
Каталонскиот тим доби негативен одговор од своите фудбалери кои не сакаат да им се намалат платите за 40 проценти за да може екипата да го реши проблемот со селари капот.

Жерар Пике, Серхио Бускетс, Жорди Алба и Серхи Роберто ја одбија понудата на Барселона да им се намалат платите поради што клубот е принуден да се обиде со истата формула која ја прифати Лионел Меси, помала плата но подолг договор.
Актуелниот договор на Пике ќе му истече кога ќе наполни 37 години, Алба и Бускетс ќе имаат 35, а Роберто би имал 30 години.