Цената на бензините се зголемува за 0,5 односно за еден денар, додека цената на дизелот ќе се намали за 0,5 денари, одлучи Регулаторната комисија за енергетика.

Цената на ЕУРОСУПЕР 95 се зголемува за 0,5 денари и од полноќ ќе се продава по цена од 83 денари. Цената на ЕУРОСУПЕР 98 ќе се зголеми за еден денар и ќе се продава по цена од 85,5 денари по литар.

Цената на ЕУРОДИЗЕЛ од утре ќе изнесува 76 денари по литар.

Непоремената останува цената на екстралесното масло, 75 денари. Цената на мазутот од утре ќе изнесува 43,8 денари.