Најтрофејниот тенисер во историјата, Новак Ѓоковиќ, се пласираше во третото коло на Мастерсот во Шангај, откако по голема борба го совлада искусниот Хрват Марин Чилиќ со 2:0 во сетови (7:6, 6:4).

„Убаво е повторно да се вратам на терен и тоа победнички. Мачев да го најдам својот ритам, но сум многу задоволен од победата. Првиот сет беше особено тежок, мислам дека Марин играше подобро од мене и имаше повеќе шанси за брејк. Во тај-брејкот одиграв цврсто, добро сервирав, тоа беше клучот денес. Кој знае што ќе се случеше ако влезевме во уште еден тај-брејк“, изјави Ѓоковиќ.

Српскиот ас имаше и порака за својот долгогодишен пријател Чилиќ:

„Драго ми е што го минав овој голем предизвик. Марин е одличен човек, долго се познаваме и секогаш добро се сложуваме и на терен и надвор од него. Кога ја чувствува топката, тој е многу опасен и може да победи секого. Му посакувам сè најдобро, убаво е повторно да го видам како игра на овој високo ниво.“

Во следното коло Ѓоковиќ ќе се сретне со Германецот Јаник Ханфман.