Српскиот тенисер Новак Ѓоковиќ се пласираше во полуфиналето на турнирот во Женева, Швајцарија, откако со 2:0 го совлада Талон Грикспор од Холандија.

Мечот траеше час и 15 минути, а српскиот ас победи во сетови 7:5, 6:1.

Мечот беше многу возбудлив на почетокот, Ѓоковиќ беше сигурен на свој сервис, но и Холанѓанецот, кој во еден момент имаше и три сет топки, но првиот светски тенисер ги спаси сите.

А во понатамошниот период Ѓоковиќ го оправда статусот на еден од најдобрите на сите времиња, беше беспрекорен и го доби почетното водство.

Таа завршница му даде крилја на Ѓоковиќ и тој фуриозно го стартуваше вториот сет во кој поведе со 4:0, а до крајот му дозволи на ривалот само еден гем.

Во петок, според најавите од 14.30 часот, Ѓоковиќ ќе игра против Томаш Махач од Чешка кој претходно 6:3 и 7:6 (2) го совлада Американецот Алекс Микелсен.

Во второто полуфинале Италијанецот Флавио Коболи кој триумфираше против Александер Шевченко од Казахстан два пати со 6:4, ќе се соочи против Каспер Руд или Себастијан Баез.