Новак Ѓоковиќ направи нешто нереално сезонава – невидена доминација во светскиот тенис!
Новак Ѓоковиќ се подготвува за крајот на сезоната која е одлична за него. Успеа да направи нешто што до сега не го направил во кариерата.
Препорачано
Имено, најдобриот светски тенисер во оваа натпреварувачка година не загуби ниту еден меч во Австралија и САД (неговиот рекорд е 24-0). Ноле ги освои Аделаида и „Австралија опен“, како и Синсинати и „УС Опен“. Ѓоковиќ за првпат во кариерата стигна до ова достигнување.
Сето тоа го направи откако минатата година беше депортиран и понижен во Австралија. Покажа сила, одлучност и храброст и јасно стави до знаење дека сè уште е гладен и желен за трофеи од најголемите турнири.
Вреди да се истакне дека покрај двата споменати грен слема, тој го освои и „Ролан Гарос“, додека играше и во финалето на „Вимблдон“ каде беше поразен од Карлос Алкараз.
За потсетување, првиот светски рекет ќе игра на три турнири до крајот на оваа сезона: Мастерсот во Париз (30 октомври – 5 ноември), Завршниот Мастерс во Торино (12-19 ноември) и Дејвис купот со репрезентацијата на Србија (21-26 ноември).
Novak Djokovic has a 24-0 record in Australia and USA this year, winning four titles – Adelaide, Australian Open, Cincinnati, and US Open.
This is the only year in Djokovic’s entire career that he did not lose a single match in both Australia and USA.
After being deported and… pic.twitter.com/9HWndTcMsI
— Danny ? (@DjokovicFan_) October 11, 2023
