Српскиот тенисер Новак Ѓоковиќ денеска ја започна 427 недела на врвот на АТП-листата, со што продолжи да го зголемува сопствениот рекорд.

Ѓоковиќ е на првото место на АТП листата со 9,960 поени, има 1.190 повеќе од второпласираниот Италијанец Јаник Синер, кој собра 8,770.

Шпанскиот тенисер Карлос Алкараз и натаму е трет на АТП листата со 7,300 поени, додека четвртиот тенисер во светот е Германецот Александар Зверев со 6,305.

На петтото место на АТП листата е Русинот Данил Медведев, а зад него се неговиот сонародник Андреј Рубљов, Норвежанецот Каспер Руд, Полјакот Хуберт Хуркач, Гркот Стефанос Циципас и Бугаринот Григор Димитров.

Најдобрите светски тенисери во следните две недели играат на Отвореното првенство на Франција. Ѓоковиќ ја брани титулата на Ролан Гарос, а српскиот тенисер утре во првото коло ќе игра против Французинот Пјер-Иг Ербер.

Ѓоковиќ без тренер ќе настапи на Ролан Гарос