Најдобриот светски тенисер Новак Ѓоковиќ го совлада Франциско Серундоло после пресврт и пет сетови и се пласираше во четвртфиналето на грен слем турнирот „Ролан Гарос“.

Србинот после мечот истакна дека поради проблеми со повредата на коленото не е сигурен дали ќе игра против Каспер Руд в среда, а најновите информации не влеваат надеж.

Организаторите го објавија распоредот на тренинзи во вторник, а на истиот го нема Ѓоковиќ што значи дека нема да го одработи вообичаениот тренинг.

Четвртфинале, парови, „Ролан Гарос“: Новак Ѓоковиќ – Каспер Руд, Александер Зверев – Алекс де Минор, Стефанос Циципас – Карлос Алкараз, Григор Димитров – Јаник Синер.

Ѓоковиќ против Серундоло ја постигна својата 370 грен слем победа, надминувајќи го досегашниот рекордер Рожер Федерер.

Аналитичарите повеќе се занимаваа со уште еден податок кој беше поврзан со фактот дека српскиот ас одигра повеќе од 50 мечеви во пет сета на четири од најголемите светски турнири.