Нова сезона (2019/20) во фудбалската ЛШ стартува со натпреварите од групите Е, Ф, Г и Х, денеска имаме неколку дерби мечеви. Борусија Дортмунд на својот „Сигнал Идуна Парк“ е домаќин на Барселона, а европскиот шампион Ливерпул гостува на „Сан Паоло“ кај италијанскиот вицешампион Наполи на македонскиот репрезентативец Елиф Елмас.

А секако вреди да се одвои и пресметката на „Стемфорд Бриџ“ помеѓу Челзи и Валенсија. За лондонските „сини“ нема да играат Емерсон, Лофтус-Чик, Рудигер и ван Гинкел, а на спротивната страна за шпанскиот клуб во составот ќе недостасуваат Пичини и Солер.

? The Chaaaaaaampions!!

⏳ The wait is almost over…

Tuesday = matchday ?#UCL | @GazpromFootball

— UEFA Champions League (@ChampionsLeague) September 17, 2019

Капитенот на Барса, Лионел Меси пред натпреварот од првото коло од групната фаза против Борусија Дортмунд, смета дека Каталонците имаат тешка група оваа сезона.

– Секоја година во Лигата на шампионите има рамномерен биланс на моќ, иако понекогаш е потешко да се победи. Ја добивме Борусија Дортмунд со која никогаш не игравме за време на мојот престој во клубот. Го видов стадионот на Дортмунд и секогаш го сакав заради навивачите и идентитетот на клубот. Го добивме и Интер. Пред една година игравме со него на патот, но тој натпревар го пропуштив поради повреда. Групата е комплексна, но тоа ја прави поинтересна нашата задача – рече Меси.

Лига на шампиони (2019/20)
Прво коло, двојки –

Е група: Наполи-Ливерпул (21.00 часот), Салцбург-Генк (21.00)

Ф група: Интер-Славија Прага (18.55), Борусија Дортмунд-Барселона (21.00)

Г група: Лион-Зенит (18.55), Бенфика-Лајпциг (21.00)

Х група: Челзи-Валенсија (21.00), Ајакс-Лил (21.00)