Две повозрасни жени од Скопје наседнале на телефонскиот повик на лажниот полицаец, кој им кажал дека нивни блиски прегазиле дете-мигрант и дека тие треба да платат пари за роднините да не одат во затвор, соопшти МВР.

„На 03.03.2025 во 13:00 часот во СВР Скопје, 74-годишна жена од Скопје пријавила дека била измамена од едно лице за сума од 307.500 денари. Според пријавеното, лицето ѝ се јавило телефонски, се претставило како полициски службеник и ѝ кажало дека нејзината ќерка предизвикала сообраќајна несреќа во која прегазила дете мигрант и доколку не сака таа да лежи во затвор требало да плати. Како што е пријавено, таа парите ги оставила на договореното место, а откако се слушнала со нејзината ќерка, сфатила дека била измамена. Се преземаат мерки за расчистување на случајот“, велат од полицијата за првиот случај.

Во вториот случај, На 03.03.2025 во 17:30 часот во СВР Скопје, 83-годишна жена од Скопје пријавила дека била измамена од едно лице за сума од 457.320 денари.

„Според пријавеното, лицето ѝ се јавило телефонски и се претставило како поранешен полициски службеник, по што ѝ кажало дека нејзината ќерка била тешко повредена во сообраќајна несреќа која претходно ја предизвикала и во која прегазила дете-мигрант, а доколку не сака таа да оди во затвор треба да даде пари. Како што е пријавено, таа ги оставила парите на договореното место, а откако се слушнала со нејзината ќерка, сфатила дека била измамена. Се преземаат мерки за расчистување на случајот“, велат од МВР.

ВИДЕО | Вака изгледа снимен телефонски повик на криминалната мрежа што „цеди“ илјадници евра за лажни сообраќајки во Македонија