За време на овогодинашната Евровизија, која се одржа во Малме, Шведска, се случија бројни скандали, кои сега ќе бидат истражувани, официјално објави ЕБУ.

Имено, независни експерти ќе ги истражуваат настаните околу овогодинашната Евровизија по низата контроверзии како дисквалификацијата на холандските учесници, како и бројните протести.

Продукцијата на музичкиот натпревар донесе одлука да го дисквалификува Холанѓанецот Јост Клајн поради „инцидент“ во кој наводно вербално ѝ се заканувал на жена вработена во продукцијата, а израелската натпреварувачка Еден Голан настапи во момент кога хуманитарната ситуација во Газа се влошуваше. Израелската национална телевизија подоцна тврдеше дека се соочила со „невидени прикази на омраза“ од други држави.

Организаторите на Евровизија потврдија дека затоа ќе се води истрага за сите спорни настани.

„Европската радиодифузна унија (ЕБУ) сака постојано да работи на подобрување на своите услуги и настани. Со цел дополнително да го зајакнеме евровизискиот натпревар, побаравме од независен експерт да го истражи ESC 2024 во Малме и да го сподели со раководните тела на ЕБУ што најде и заклучи за да можат да продолжат да го подобруваат годишниот настан“, се вели во соопштението.

По натпреварот, на кој победи Немо од Швајцарија, организаторите најавија дека ќе спроведат истрага бидејќи дел од делегациите „не го почитувале духот на правилата“.

За време на еднонеделниот натпревар, кој траеше целиот настан, пропалестинските демонстранти пристигнаа пред арената за да ја изразат својата поддршка за жителите на Газа и да го критикуваат учеството на Израел. Настапот на нивната претставничка беше дочекан со свирежи и извици на неодобрување. Израелската делегација беше критикувана и од други натпреварувачи, како Бамби Таг од Ирска.

Хаосот околу Евровизија продолжува: Се води голема истрага, а во фокусот е Израел