Во среда, на 28 мај, ќе биде пуштен во употреба нов заеднички премин меѓу Косово и Македонија – Глобочица – Јажинце.

Претставници на Министерството за внатрешни работи на Македонија за РТК изјавија дека контролата на преминот – влез и излез ќе се врши во рамките на објектот што се наоѓа на територијата на Косово.

Да ве потсетиме, отворањето на заедничкиот премин Глобочица – Јажинце беше најавено претходно оваа година. Кон средината на април беше отворен интегрираниот премин Ѓенерал Јанковиќ-Блаце, управуван од косовските и македонските власти.

Во меѓувреме, имаше потврда дека се во тек преговори во врска со функционирањето на преминот Глобочица – Јажинце, според истиот принцип, информира Коссев.