Пионерскиот метод на 3D моделирање може да ги промени животите на илјадници луѓе кои претрпеле повреди на лицето, благодарение на научниците кои успеале да реплицираат клетки од усните.

Научниците постигнаа голем напредок во медицинската технологија – користејќи прецизни модели на клетки на кожата од човечките усни, со што лекувањето на комплицираните повреди на лицето ќе станат поедноставни и поквалитетни. Овој пионерски метод на 3D моделирање може да ги промени животите на илјадници луѓе кои претрпеле повреди во сообраќајни несреќи, падови или поради вродени аномалии, како што се расцеп на усната и непцето.

Во лабораториите научниците успешно развиле репродукција на клетки од кожата на усните, што отвора нова димензија во истражувањето и лекувањето на сложените повреди и деформитети на лицето. Кожата на усните е исклучително сложена и тешко достапна за истражување, што досега ја ограничуваше можноста за развој на поефикасни терапии.

Сега тим од научници создаде модел кој континуирано ги реплицира клетките на усните во лабораториски услови. Врз основа на ткиво донирани од пациенти, развиени се „бесконечни“ низи на клетки, што овозможува создавање на 3Д модели кои ќе помогнат во истражувањето и тестирањето на новите методи на реконструкција.

– Усните ги користиме за зборување, јадење, пиење, дишење, а освен тоа искажуваат емоции, ја сигнализираат нашата здравствена состојба и се клучни за естетиката, особено кај жените – изјави д-р Мартин Деген од Универзитетот во Берн.

Тој исто така нагласи колку е сложена структурата потребна за извршување на сите овие функции, поради што проблемите со усните честопати тешко се санираат.

-Досега не беа достапни модели на клетки од усните за истражување, што го отежнуваше развојот на ефективни третмани – додаде д-р Деген.

Користејќи клетки од кожата од ткиво од двајца пациенти – еден со повреда на усна и еден со расцеп на усна – тимот успеал да создаде модел кој верно ги имитира карактеристиките на човечките усни.

–Без тие клетки би било невозможно да се имитираат специфичните карактеристики на усните во лабораториските тестови – велат докторите, пренесува Express.