Помина подолго време од шокантната размена на Лука Дончиќ во редовите на Лос Анџелес Лејкерс, но тој и понатаму е тема на медиумите во САД. Навивачите на Далас сè уште не можат да се помират со заминувањето на својата најголема ѕвезда, а од клубот, преку медиумите, сè почесто се обидуваат да ја оправдаат својата.

По првичните наводи дека Дончиќ имал проблем со вишокот килограми, сега се појавја нови обвинувања, овојпат за неговиот наводно неспортски начин на живот.

„Лука сакаше пиво и наргиле. Во Далас се стравуваа дека неговата здравствена состојба би можела сериозно да се влоши во следните пет години“, пренесуваат американските медиуми, повикувајќи се на извори блиски до клубот.

Но, статистиката вели нешто сосема друго. Откако го облече дресот на Лејкерс, словенечкиот ас има просек од 28.2 поени, 8.1 скок и 7.5 асистенции по натпревар, бројки кои покажуваат дека Лука и понатаму игра на највисоко ниво.

Познатиот новинар на „ЕСПН“, Марк Сперс, смета дека приказната нема да заврши тука. Според него, од Далас наскоро може да се очекуваат нови медиумски „напади“ во обид дополнително да се оцрни ликот на Дончиќ и така да се оправда одлуката која многумина ја сметаат за еден од најконтроверзните потези во поновата историја на НБА.