Еден од најпознатите норвешки клубови Розенборг повика на бојкот на следното Светско првенство кое ќе се одржи во Катар 2022 година! А причината е кршење на човековите права во таа земја.

Уште четири клуба побараа од првите луѓе на норвешкиот фудбал да го бојкотираат Мундијалот доколку нивната репрезентација се квалификува на тоа натпреварување.

– Веруваме дека, доколку Норвешка се квалификува, мора да го одбиеме патувањето во Катар – беше објавено од Тромсо, еден од норвешките клубови.

Од претходно веќе е објавено дека повеќе од 6.500 странски работници го загубиле животот за време на изградбата на објекти и друга инфраструктура за СП во Катар.

Оваа тема би можела да биде предмет на состанокот во Фудбалската федерација на Норвешка на 14 март годинава, доколку неколку други клубови од најсилната лига се решат да повикаат на бојкот на Светското првенство.

Генералниот секретар на норвешката фудбалска федерација на Норвешка претходно објави дека бојкот ќе доведе до загуба од скоро 10 милиони евра.