
Норвешка не беше закана, убедлива победа на Македонија во Гевгелија
Кошаркарската репрезентација на Македонија славеше убедлива победа против Норвешка со 58:36 во првиот од двата дуели со скандинавските ривали.
Препорачано
-
1
-
2
-
3
Македонија прикажа одлична игра во натпреварот во Гевгелија и заслужено стигна до победата, беше ова натпревар со мал број на поени во кој ние покажавме дека во овој момент сме далеку поквалитетна селекција од Норвежаните.
Првата четвртина ја добивме со 16:11, за потоа лошо да ја започнеме втората и цели три минути да бидеме без кош, црната серија ја прекина Магдевски од линијата за слободни фрлања. Но, како што одминуваше времето така нашата игра беше се повеќе сигурна и чекоревме кон триумфот.
Втората четвртина на крајот можеби се покажа и како клучна затоа што по лошиот почеток прикажавме многу подобра игра на пауза заминавме со 34:18. Повторно на почетокот на третата четвртина Норвежаните кратко беа подобри, меѓутоа брзо се вративме и водството не беше доведено во прашање. Војдан Стојановски и Виктор Крстевски со по 14 поени беа најефикасните во нашите редови.
До крајот имаше и ротација, се чуваа силите за натпреварот в недела против Данска од 19:00 часот. Македонија сега во групата со максимални три победи е лидер во групата и имаме одлични шанси да се пласираме во главните квалификации.