Ландо Норис изјави дека не е загрижен за губењето на водството во шампионатот на Формула 1 од неговиот колега од Мекларен, Оскар Пјастри, и покрај тоа што призна дека за идните трки „треба да се потруди“.

Норис влезе во 2025 година како фаворит за освојување на титулата кај возачите и ја започна кампањата на идеален начин со победа на отворањето на сезоната во Австралија.

Но, иако трипати се искачи на подиумот во следните четири трки, Норис не победи од Мелбурн, поради проблемите со автомобилот.

Пјастри ги искористи проблемите на својот тимски колега за да оствари три победи. Сега Пјастри има 10 поени предност пред второпласираниот Норис.

Сепак, Норис негираше дека „моментумот“ на Пјастри треба да го натера да се грижи дека ја пропушта својата шанса да со освои шампионатот.

На прашањето дали е загрижен за предноста на Пјастри, Норис одговори одречно.

– Не, воопшто не сум загрижен. Тој работи добро и го заслужува тоа. Не верувам толку многу во „моментумот“. Правам што можам. Јасно е дека направив некои грешки и не сум на нивото на кое треба да бидам, но верувам дека можам да бидам на тоа ниво доволно брзо. Значи, нема причина да се грижам.

Don't miss a minute in Miami ⏰#McLaren | #MiamiGP 🏝️ pic.twitter.com/1A05JHTEuG

— McLaren (@McLarenF1) May 1, 2025

Но, Норис призна дека наскоро мора да одговори на доминацијата на Пјастри.

– Ова е шеста трка од 24. Знам дека треба да се подобрам. Секој викенд го правам најдоброто што можам, обидувајќи се да се подобрам.

Следната трка е во Мајами, стартот е в недела 22 часот, по македноско време.

ФОТО: Ферари на трката во Мајами за првпат ќе настапи во сино-бела комбинација