Ландо Норис беше најбрз во трката за Големата награда на Унгарија  на патеката Хунгароринг. Возачот на Мекларен славеше по жестока завршница со својот тимски колега Оскар Пјастри, кој мораше да се задоволи со втората позиција.

Ферари започна со високи очекувања, Шарл Леклер стартуваше од пол-позиција, но на крајот не успеа ниту да се искачи на подиумот.

Норис ја задржа првата позиција и покрај притисокот од Пјастри, во ситуација која лесно можеше да заврши со контакт и двоен пех за тимот. Но, храброто возење и контролираната агресија му донесоа победа на Британецот, особено значајна со оглед на тоа што трката ја започна од петтата стартна позиција, што е вистинска реткост за победник на оваа патека.

Подиумот го заокружи Џорџ Расел од Мерцедес, кој покрај третото место, успеа да го постави и најбрзиот круг на трката.

Во првата десетка завршија и: Леклер (четврто место), Фернандо Алонсо, Боролето, Ленс Строл, Лиам Лаусон, актуелниот шампион Макс Ферстапен и тинејџерот Антонели.