Ветеранот во ски скокови, Јапонецот Нориаки Касаи, продолжи да испишува историја во спортот. На 52-годишна возраст се квалификуваше за Светскиот куп во ски скокови, кој ќе се одржи во неговата татковина, во градот Сапоро, на 15 и 16 февруари.

Своето место го обезбеди со победата на националниот натпревар, токму во Сапоро, на олимписката скокалница во Окурајама.

Ова ќе биде прв настап на Касаи на официјални натпреварувања по едногодишна пауза. Тој веќе собори голем број рекорди во својата кариера. Тој е најстариот екипен медалист на Светското првенство (со 42 години и 261 ден), како и најстариот освојувач на тоа натпреварување со 42 години и 176 дена.

До Игрите во 2022 година во Пекинг, каде што не се натпреваруваше, тој беше единствениот спортист што учествуваше на осум Зимски олимписки игри.

Според јапонските медиуми, Касаи сѐ уште не се откажал од својот сон да се натпреварува на Олимпијадата во 2026 година.