Нобеловата награда за медицина за оваа година им припадна на Харви Алтер, Мајкл Хаутон и Чарлс Рајс за откривање на вирусот на хепатит Ц, објави Нобеловиот комитет на Шведската кралска академија на науките.

Светската здравствена организација (СЗО) проценува дека има преку 70 милиони случаи на хепатит Ц ширум светот и 400.000 смртни случаи секоја година. Болеста е хронична и главна причина за воспаление на црниот дроб и рак.

Престижната награда носи златен медал и парична награда од 10 милиони шведски круни (над 1.118.000 милиони долари).

Името на лауреатот за физика ќе биде објавено утре, во среда за хемија, в четврток за литература и в петок за мир. Името на добитникот на наградата за економија секогаш се објавува на крајот и тој ќе биде соопштен следниот понеделник.