Иако се уште нема официјална потврда, речиси сигурно е дека Њукасл конечно го реши прашањето на тренерската позиција, бидејќи нов менаџер ќе биде Еди Хоув, перспективниот стручњак кој го изгради своето реноме водејќи го Борнмут.

Оваа информација ја објави Скај Спорт, кој притоа истакна дека останува да се договорат уште некои детали од договорот по што Њукасл ќе го ангажира талентираниот англиски менаџер.
Скај Спортс додава дека Хоув ќе добие договор на две и пол години, а Њукасл ќе му биде прв тим по заминувањето од Борнмут во 2020 година.

Со ова се чини дека заврши потрагата на Њукасл по нов тренер која траеше речиси еден месец. Поголем број звучни тренерски имиња како Жозе Мурињо, Ерик тен Хаг, Брендан Роџерс, Унаи Емери, Антонио Конте, Стивен Џерард ја одбија понудата да седнат на клупата на најбогатиот фудбалски клуб на светот.