Фудбалерите на Ливерпул во актуелната сезона се предводени од нов стратег од клупата, Арне Слот пристигна на местото на Јирген Клоп и на Холанѓанецот засега му оди одлично.

Во вчерашниот натпревар од Лигата на шампионите, Ливерпул на гости славеше победа од 0:1 против Лајпциг во натпревар во кој „црвените“ беа подобар противник во текот на целиот натпревар.

Но, со овој триумф Слот направи и нешто што досега не му успеало на никого во историјата на Ливерпул. Сезоната ја започна со 11 победи во 12 натпревари во сите натпреварувања и тоа е учинок каков што немал ниту еден друг тренер на почетокот на својата епизода на „Енфилд“.

Единствениот пораз Слот со Ливерпул го доживеа од Нотингем Форест во Премиер лигата, но и со тој пораз избраниците на Слот се лидери на табелата бидејќи имаат седум победи.

Викендов Ливерпул во Премиер лигата го чека дербит со Арсенал, а потоа и натпревар против Брајтон во Купот, додека на 5 ноември ќе се соочат со уште еден германски тим во Лигата на шампионите, Баер Леверкузен.