Вицепремиерот и министер за транспорт Александар Николоски е во работна посета на Чешка, каде во Прага учествува на Комитетот за економска соработка меѓу двете земји, а ќе оствари билатерални средби со високи претставници на чешката Влада.

Како што соопштија од неговиот кабинет, покрај средбата со директорот на аеродромот во Прага на која се разговарaло за воспоставување на нова линија Скопје –Прага, како и можноста за нова линија Охрид- Карлови Вари, вицепремиерот ќе се сретне и со министерот за транспорт и министерот за енергетика.

Се возобновува идејата за воспоставување на директна авиолинија Скопје – Прага

– Она што ми е особено задоволство е тоа што ќе се остварат бројни билатерални средби меѓу различни ресори. Покрај мојот ресор, тука е и ресорот земјоделие, култура и туризам, економија и финансии, надворешни работи и енергетика. Значи бројни сектори ќе бидат опфатени како можност за сорабокта меѓу двете држави. Веќе се прават посети на различни стопански концепти, исто така имаше и презентација на туристичките потенцијали на Македонија и множноста за привлекување на туристи, а само што завршивме состанок со директорот на аеродормот на Прага. Разговаравме за отворање на директна линија меѓу Скопје и Прага и можам да кажам дека сме многу блиску за отворање на директна линија, а можам да кажам дека разговаравме и за отварање на втора линија од Карлови Вари до Охрид како втора дестинација која би одела од Чешката Република – изјави Николоски.