Вицепремиерот и министер за транспорт Александар Николоски, во рамки на посетата на Унгарија, денеска се сретнал со министерот за национална економија на Унгарија, Мартон Наѓ, соопшти кабинетот на Николоски.

„На средбата се разговараше за движечките проекти на Владата предводена од ВМРО-ДПМНЕ, планираниот економски раст, нови инвестиции и актуелни политики. Исто така се разговараше и за економските политики на Владата на Унгарија и нивниот план за раст како и можностите за уште позасилена економска соработка помеѓу двете држави“, пишува во соопштението.

„Регионалните проекти во инфраструктурата и транспортот се заеднички приоритет на Македонија и Унгарија, како услов за забрзан економски раст и подобра поврзаност во регионот. Договорот Влада со Влада кој се потпиша помеѓу Македонија и Унгарија исто така носи големи придобивки за граѓаните на двете земји, потврдија двајцата министри“, се додава во соопштението.