Некогашниот младински репрезентативец на Македонија, Никола Секулов и дефинитивно се сели во Сампдорија како што претходно беше најавено од италијанските медиуми.

Секулов кој има потекло од Струмица веќе долги години е во младинските категории на Јувентус, а во минатата сезона беше позајмен во Кремонезе.

Со тимот кој го предводи Андреа Пирло, Секулов ќе потпише договор до 2028 година. Сампдорија на Јувентус ќе му исплати сума од два милиони евра.

Во текот на денешниот Секулов ги минува лекарските прегледи, по што и официјално треба да стане нов член на Сампдорија. Ќе потсетиме, тој беше дел од У17 селекцијата на Македонија, но поради несогласувања со селекторот и раководните луѓе во федерацијата подоцна одлучи да настапува за Италија.