Нико Вилијамс (22) и Барселона ги договорија сите детали. Фудбалерот на Атлетик Билбао ќе потпише шестгодишен договор со шпанскиот клуб клуб со годишна плата помеѓу 7 и 8 милиони евра нето.

– Барселона моментно преговара со Атлетик во врска со финансиските услови за комплетирање на трансферот – објави Фабрицио Романо.

Вилијамс, чија вредност „Трансфермаркт“ ја проценува на 70 милиони евра, има излезна клаузула од 58 милиони евра. Вилијамс одигра 167 натпревари за Атлетик со учинок од 31 гол и 30 асистенции.

Вилијамс минатото лето беше еден од клучните играчи на репрезентацијата на Шпанија кога го освои Европското првенство, а потоа беше првата цел на Барселона.

Се чинеше дека трансферот е договорен, но левото крило на Атлетик Билбао се предомисли во последен момент и остана во Баскија.