Поранешниот дефанзивец на Јувентус, Николо Наполи, сигурно може да влезе во Гинисовата книга на рекорди доколку го побара тоа бидејќи по седми пат доби отказ од ист клуб.

Имено, романскиот клуб Универзитатеа Крајова пред два дена повторно го отпушти 58-годишниот Наполи.

Наполи по завршувањето на играчката кариера веднаш започна тренерска кариера и по добивањето на лиценцата во 1997 година седна на клупата на Крајова, но по неколку натпревари беше отпуштен.

Тој не работеше во ниту еден клуб во наредните 10 години по што повторно беше ангажиран од Крајова, но овој пат се задржа дури две години по што повторно доби отказ. Потоа ги водеше екипите на Брашов и Плоешти, за во 2011 година повторно да биде ангажиран од Крајова, но повторно многу брзо беше отпуштен.

Наполи една сезона беше тренер на Турни Северин по што следеше нов повик кој не можеше да го одбие, од Крајова. Беше прв тренер една сезона и потоа доби повторно доби отказ.

Former Juventus defender Nicolo Napoli was sacked by FCU Craiova. For the 7th time. Seventh time! pic.twitter.com/FzQdQVniRl

— Emanuel Roşu (@Emishor) October 12, 2020

Италијанецот потоа седнува на клупата на Политехника Иаси, но погодувате добива повик од Крајова, овој пат да биде технички директор. Наполи не се снајде најдобро во оваа улога и очекувано повторно добива отказ.

Во 2018 година повторно стана тренер на Крајова и седеше до 2019 година, а на почетокот од оваа година по седми пат беше назначен за главен тренер на романскиот тим и оваа функциа ја извршуваше до пред два дена, по што погодувате – повторно доби отказ.