Актуелниот лидер во Ла Лига, Атлетико Мадрид на лето може да го ангажира шпанскиот репрезентативец и играч на Наполи, Фабијан Руиз.
Руиз во последните две години се поврзува со трансфер во двата најголеми шпански клубови, Реал Мадрид и Барселона, но сега во прв план излезе Атлетико Мадрид.
Оваа вест ја потврди и италијанскиот новинар Николо Чечарини кој ги следи случувањата во Наполи.
– Фабијан е еден од фудбалерите кои на лето ќе си заминат од Наполи. Доколку одлучи да си замине, тогаш ќе се врати во Ла Лига. Знам дека Барселона сакаше да го купи, но јас мислам дека ќе замине во Атлетико Мадрид – изјави Чечарини.
Фабијан Руиз дојде во Наполи во 2018 година и стана еден од најдобрите играчи од средниот ред во Серија А.