Активистката Невена Георгиевска е кандидат за градоначалник на Општина Карпош од граѓанската иницијатива „Независни за Карпош – За заштита на Карпош“.

Георгиевска, која е советничка во Советот на Општина Карпош во објава на Фејсбук вели дека  одллуката не била лесна, но визијата за Карпош – Општина на граѓаните, според неа, може да ја понуди само граѓански кандидат.

Може колку саакат да пишуваат програми и да ви ветуваат остварување на сите ваши барања и решавање на сите проблеми во Карпош, но реалноста е поинаква. Никаде во тие програми нема да се спомнат оние големи проекти кои поголемиот број на жители на Карпош не сакаат да ги слушнат – проектот за Алумина, ДУПови со градби по мерка на одредени инвеститори. Уредување на кејот – да за спорт и рекреација, но кафани, паркинзи не спаѓаат во тоа. Не е целта да ветам катни гаражи и паркнизи и добијам гласови на одредена група, но во близина на тоа да одобрам зграда со која ќе се пополнат сите тие паркинзи. Пошироки улици за комотен сообраќај – не, улици со безбедни велосипедски патеки, природни сенки и чист воздух за да може нормално да се движиме, спортуваме и дишиме – вели Георгиевска.

Според неа, иако фокусот на Локалните избори се градоначалниците, Советот има клучна улога во носење на одлуки и градоначалникот е тој што треба да ги слуша, прифаќа и разговара за нивните идеи без разлика дали се политички противници и никогаш да не заборави дека тие се претставници на граѓаните.

Затоа посебно внимавајте на квалитетот на понудените листи за членови на Совет, луѓе кои ќе го имаат својот гласач пред оној кој го ставил на листа.  Без разлика колку гласови ќе добијам, сакам да се слушнат идеите и програмите што може како Независни за Карпош да ги понудиме и да не отстапиме од тоа. Во изминативе години понудивме: Доследност, интегритет и храброст да истраеме во нашите битки, транспарентно и искрено се трудевме да презентираме тоа што се случува иако на многумина тоа не им се допаѓаше, ќе продолживе и понатаму и се надевам со многу поголем број Советници – вели независната кандидатката за градоначалник на Карпош.