Израелскиот премиер Бенјамин Нетанјаху го отфрлил барањето на францускиот претседател Емануел Макрон да го посети Израел пред очекуваното признавање на палестинската држава што ќе го објави Франција подоцна овој месец, открива  Тајмс оф Израел.

Се вели дека Макрон сакал да оствари кратка посета на Израел пред Генералното собрание на Обединетите нации, каде што се очекува Франција да им се придружи на другите западни земји во признавањето на палестинската држава.

Сепак, Нетанјаху ја услови посетата со повлекувањето на Макрон од признавањето на Палестина, што францускиот претседател го одбил.

Макрон објави на 24 јули дека Франција ќе ја признае Палестина како независна држава.

Тој изјави дека официјалното признавање треба да следи во септември на Генералното собрание на Обединетите нации.

Макрон истакна дека ова е одговорот на сè поочајната ситуација во Појасот Газа.