Израелскиот премиер Бенјамин Нетанјаху го разреши министерот за одбрана Јоав Галант.

Во кусото соопштение објавено од неговиот кабинет, се наведува дека мандатот на Галант завршува 48 часа по добивањето на одлуката, пишува Тајмс оф Израел.

„Би сакал да ви се заблагодарам за услугата“, напиша Нетанјаху.

На местото на Галант ќе дојде министерот за надворешни работи Израел Кац, а министерот без ресор Гидеон Сар ќе го замени Кац како министер за надворешни работи.

„Иако имаше доверба во првите месеци од војната и имаше многу плодна работа, во последните месеци таа за жал исчезна“, рече Нетанјаху.

Тој посочи дека не се согласуваат за начинот на кој се води војната и дека Галант донел одлуки кои се во спротивност со одлуките на Владата.

Нетанјаху, исто така, го обвини Галант дека индиректно им помага на непријателите на Израел.

„Се обидов многу пати да ги надминам овие проблеми, но тие постојано стануваа се поголеми и поголеми. „Тие допреа до јавноста на неприфатлив начин, а што е уште полошо, допреа и до непријателите, кои уживаа и имаа голема корист“, рече Нетанјаху.

Тој додаде дека повеќето членови на Владата се согласуваат со неговата одлука.