Во рудник за јаглен кај Велење во Словенија, вечерва во еден од тунелите пропаднале кал и вода, а според досегашните полициски информации, исчезнале тројца рудари кои работеле во главниот ископ, јавија локалните медиуми.

Исчезнатите рудари се на возраст од 23 до 50 години, соопштија властите.

На местото на несреќата веднаш пристигнале главниот рударски инспектор и неколку екипи кои започнале спасувачка акција, како и полицaјци од Полициската управа Цеље.

Во рудникот пристигнаа и министерот за заштита на животната средина, клима и енергетика Бојан Кумер и министерот за внатрешни работи Боштјан Поклукар.

Се очекува спасувањето да трае долго, бидејќи спасувачките тимови мора да се сменат, имајќи предвид дека спасувачите можат да работат најмногу четири часа во такви тешки услови и со специјални апарати за дишење.