Изложбата „Фотограми – Цртање со фотографски апарат“ на м-р Стојанче Величковски во галеријата „Ко-Ра“ при ЈУ Дом на култура „Кочо Рацин“ во Скопје ќе биде отворена на 18 јули, во 20:30 часот. Проектот е поддржан од Град Скопје и од ЈУ Дом на културa „Кочо Рацин“ – Скопје.

Овој иновативен визуелен проект претставува симбиоза меѓу фотографијата и уметноста на движење, каде фотоапаратот станува четка, а светлината платно. Величковски со својот уникатен пристап создава динамични и колоритни композиции кои отвораат нови хоризонти во современата фотографија.

Стојанче Величковски е познат хералдичар од Крива Паланка, а неговата изложба „Фотограми“ следува по неодамнешното магистрирање на Факултетот за филмска уметност на Интернационалниот универзитет за визуелни уметности „Еуропа Прима“, на катедрата за фотографија.