Непристојно ја допирал водителката: По обвинувањата за сексуално вознемирување, УНИЦЕФ го прекина ангажманот со Рамбо Амадеус
Лејла Кашиќ, продуцентката на емисијата „Дневници“ на Радио-телевизија на Црна Гора, го обвини музичарот Антоније Пушиќ, попознат како Рамбо Амадеус, за сексуално вознемирување, по што УНИЦЕФ, чиј амбасадор на добра волја е Рамбо Амадеус, објави дека оваа организација ја суспендирала соработката со него.
Препорачано
View this post on Instagram
„Вчера, на снимањето на епизодата ‘Дневници’, доживеав сексуално вознемирување од страна на нашиот гостин, голем интелектуалец, регионално призната и влијателна личност, амбасадор на добра волја на УНИЦЕФ, Антоније Пушиќ, попознат под псевдонимот Рамбо Амадеус“, напишала таа во објава на Инстаграм.
View this post on Instagram
Како што навела Кашиќ на својот профил, случајот со сексуалното вознемирување се случил во Херцег Нови, каде екипата на РТЦГ снимала епизода од шоуто „Дневници“ со Рамбо Амадеус.
Кашиќ во својата објава напиша и дека „страшно, опасно, проблематично е што некој склон кон девијантно однесување преку ангажман во УНИЦЕФ има пристап до најранливите категории на општеството“.
„Тоа е недопустливо. Секако дека ме нарече луда и глупава. По вербалниот конфликт и по завршувањето на сѐ, добив порака која е само уште еден обид за манипулација, во која вели дека лошо сум го доживеала неговиот впечаток дека можеме да бидеме добри пријатели“, изјави Кашиќ.
Кашиќ рекла дека сѐ се случило во петокот, во текот на снимањето на емисијата и дека Пушиќ непримерно ја допирал. Како што раскажала за „Вијести“, екипата дознала за тоа дури откако се изгаснале светлата на камерата, иако во сировиот материјал има и видео во кое Пушиќ ја нарекува „глупава“.
Наместо извинување, рекла таа, од Пушиќ добила низа навреди дека е „глупава“, „луда“,… Нешто подоцна добила и порака во која музичарот ѝ „објаснил“ дека таа сè погрешно разбрала и погрешно го протолкувала неговиот впечаток дека „можеме да бидеме добри пријатели“.
View this post on Instagram
„УНИЦЕФ е запознаен со обвинувањата против Антоније Пушиќ. Неговиот ангажман со УНИЦЕФ е суспендиран до понатаму. УНИЦЕФ има политика на нулта толеранција кон каква било форма на сексуално несоодветно однесување, бидејќи тоа е спротивно на клучните вредности на УНИЦЕФ“, се наведува во соопштението на УНИЦЕФ, пренесува „Вијести“.
Рамбо Амадеус објави цел нов албум на Јутјуб: Преслушајте го „Брод будала“ (ВИДЕО)
