51-годишен жител на Делчево доби кривична пријава откако подолго време ѝ се заканувал на поранешната сопруга, а на малолетната ќерка ѝ пишувал вулгарни и навредувачки пораки, велат од МВР.

„СВР Штип поднесе кривична пријава против К.С.(51) од Делчево поради постоење основи на сомнение за сторено кривично дело „загрозување на сигурноста“. Пријавениот, преку мобилни апликации и на меил, подолг период испраќал пораки со заканувачка содржина на неговата поранешна сопруга, а истовремено на неговата малолетна ќерка и пишувал пораки со навредувачка и вулгарна содржина“, соопшти полицијата.