Тапанарот на музичката рок-група Foo Fighters, Тејлор Хокинс во моментот на смртта имал десет психоактивни супстанции во телото, вклучително и опијати, објавија колумбиските власти, а пренесе „BBC“.

Имено, Хокинс беше пронајден мртов во петокот, во хотелска соба во Богота, главниот град на Колумбија, каде што музичката група требаше да настапи истата вечер. Како што објавија дел од медиумите, тој се јавил на рецепцијата во хотелот „Casa Medina“ и се пожалил на болки во градите, но Брзата помош го пронашла без знаци на живот.

„Токсиколошката анализа досега откри десет супстанции во телото на Тејлор Хокинс, вклучувајќи опијати, антидепресиви, анксиолитици и марихуана“, соопштија колумбиските власти.

Обвинителството на колумбиската држава официјално не ја објави причината за смртта, но локалните медиуми, повикувајќи се на извори блиски до истрагата, наведуваат дека станува збор за предозирање со хероин и комбинација од антидепресиви и бензодиазепини.

Почина тапанарот Тејлор Хокинс од бендот Foo Fighters