Необична ситуација: Борусија ќе заработи повеќе пари ако изгуби од Реал Мадрид во финалето од Лигата на шампионите
Борусија Дортмунд се пласираше во финалето од Лигата на шампионите каде што на 1. јуни на „Вембли“ ќе игра против Реал Мадрид.
Препорачано
Откако стана јасно дека „кралевите“ ќе бидат противници на „милионерите“ во јавноста беше објавена и една необична информација. Имено, како што стојат работите Борусија би заработила повеќе пари ако го загуби финалето отколку кога би победила.
Причината за таквата ситуација е договорот на Џуд Белингам кој беше склопен пред една година и според кој Реал Мадрид ќе мора да исплати огромен бонус на Борусија ако со него ја освојат Лигата на шампионите.
Имено, Борусија според клазулата и информациите кои ги пренесуваат медиумите би добила 25 милиони евра врз основа на таа клазула, но исто така ќе ги добие и загарантираните 15 милиони од УЕФА како учесни кво финалето.
Во тој случај би заработиле 40 милиони евра, од друга страна ако победат ќе ја добијат само премијата за победникот која изнесува 20 милиони евра.
ВИДЕО | ЛШ: Реал Мадрид со голем пресврт и два гола на Хоселу закажа финале против Борусија Дортмунд
