Македонскиот репрезентативец Ненад Димитријевиќ ја започна новата сезона во руската ВТБ лига со победа. Од сезонава Ненад е член на Зенит Санкт Петербург, а во првото коло неговиот тим како домаќин го совлава Автодор со 90-67.

Димитријевиќ, кој беше стартер, имаше скромен ефект, постигна пет поена за 14,32 минути со шут 1/6 за два поени, 1/2 за три поени, два скока и една асистенција.

Поголем предизвик за Ненад и за Зенит ќе биде следниот меч, в сабота, кога тимот дома ќе се соочи со УНИКС Казан, во второто коло од ВТБ лигата.

– Ќе биде многу интересно да се види како Ненад Димитријевиќ, кој се врати во ВТБ лигата, ќе настапи со Зенит… – изјави познатиот руски тренер Сергеј Елевич како најава за сезоната.

Димитриевич е познат на навивачите на ВТБ лигата. Тој од 2022 до 2024 година играше за УНИКС Казан.

Во сезоната 2023/2024 Ненад го предводеше УНИКС кој првпат успеа да ја освои титулата и тогаш стана МВП, а во сезоната 2022/23, тој и тимот го освоија ВТБ лига купот, а беше и најкорисен играч во плејофот.

Минатата сезона Димитријевиќ играше за Олимпија Милано.