Доколку немате слатки во вашиот дом, а немате ни премногу време за готвење, можете да ги подготвите овие вкусни брауни со само три состојки.

За овој рецепт за брауни ви требаат банани, путер од кикирики и какао.

Состојки:

– 3 банани

– 200 г путер од кикирики

– 40 г какао во прав

Подготовка:

Изгмечете ги бананите во сад, можете да користите виљушка или апарат за пасирање. Потоа со шпатула измешајте ги свежиот путер од кикирики и какаото во прав.

Тестото треба да биде густо. Ако имате малку јаткасти плодови или чоколадни парчиња, можете да ги измешате во смесата.

Печете 25 до 30 минути на 180 степени. Оставете го колачот да се излади 30 минути на собна температура пред да го исечете.