На основачот на веб-страницата „Редит“, Алексис Оханијан (41), му е дијагностицирано инфективното заболување лајмска болест. Американскиот претприемач, кој ѝ е сопруг на тенисерката Серена Вилијамс (42), ја соопшти оваа вест на социјалните мрежи.

„Правејќи целосна здравствена анализа и испитувања, дознав дека имам лајмска болест. Неверојатно. Немам никакви симптоми, за што сум благодарен, но ќе се лекувам“, напиша Оханијан на Икс.

Оханиан рече дека иако има семејна историја на болеста, бил изненаден од дијагнозата.

„Мој близок беше болен пред неколку години, се појавија еден куп симптоми, но не знаеја што е тоа додека не го тестираа. Успешно го излекуваа“, објасни тој.

Doing a full battery of health scans, tests, etc, and found out I have lyme disease. Wild. No symptoms, thankfully, but gonna treat. Good cholesterol is too low. Bad cholesterol is just OK. Gotta work on that. On the plus-side: 822 ng/dL total + 162 ng/dL free testosterone.

— Alexis Ohanian ?? (@alexisohanian) July 16, 2024

Да потсетиме, лајмска болест е инфективно заболување предизвикано од бактерии кои припаѓаат на родот Borrelia и тоа: Borrelia burgdorferi, Borrelia garinii и Borrelia afzelii. Оваа болест на луѓето се пренесува преку убод од инфициран крлеж. Затоа и пикот на ширење на болеста се поврзува со периодот кога крлежите се најактивни, т.е. од почетокот на пролетта до крајот на есента. Резервоар на бактеријата може да бидат разни животни, вклучувајќи кучиња, елени, добиток, птици, глодари и др.

Покрај Оханијан, со Лајмска болест се бореа и поранешната манекенка Јоланда Хадид, манекенката Бела Хадид, пејачот Џастин Бибер, актерот Бен Стилер, комичарката Ејми Шумер и други.

ФОТО+ВИДЕО | Бремената Серена Вилијамс го откри полот на нејзиното второ бебе