Вчера пристигнаа разочарувачки вести за актуелниот светски шампион, Франција ќе мора на Светското првенство да биде без освојувачот на „Златната топка“ Карим Бензема.

Напаѓачот на Реал Мадрид ја обнови повредата на еден ден пред почетокот на Мундијалот кој стартува денес. Ова повреда е само продолжување на проблемите за францускиот селектор Дидие Дешам кој на СП во составот ќе ги нема и Кристофер Нкунку, Преснел Кимпембе, Мајк Мењан, Н`Голо Канте и Пол Погба.

Франција имаше право до 24 часа пред првиот натпревар да повика замена за Бензема, значи денес до 20:00 часот, но селекторот Дешам објави дека нема да повика замена за напаѓачот и Светското првенство ќе го игра со 25 играчи место дозволените 26.

На Мундијалот Франција ќе игра во група со Австралија, Данска и Тунис.