Легендарниот француски ракометар Никола Карабатиќ по само два недели откако ја продолжи соработката со Пари Сен Жермен се соочи со проблем со воспалени вени.

Првичните најави беа дека оваа болест 38-годишниот ракометар ќе го одалечи од терените на неколку месеци, но сега се појавија многу полоши најави.

Дел од француските медиуми пренесуваат дека Карабатиќ во ваква ситуација нема да може да продолжи да игра ракомет. Станува збор за болест која ретко се појавува кај спортисти, па затоа и тешко е да се каже колку би паузирал.

Деталните прегледи покажале дека Карабитиќ се соочува со болеста флебитис и ќе мора да мирува неодредено време.

Засега не се кажува со сигурност, но француски новинари повикувајќи се разговор со доктори потенцираат дека ниту еден доктор не би си дозволил да даде зелено светло за занимавање со било кој спорт на лице кое се соочува со оваа болест.

Ако ваквите најави се остварат тоа би било тажен крај на една голема кариера, најмногу поради желбата на Карабатиќ да настапи со Франција на Олимписките игри во Париз 2024.