Русија соопшти дека ќе отвори нови хуманитарни коридори за да им овозможи на цивилите да се евакуираат.

Патеките за евакуација објавени од руската новинска агенција РИА Новости покажуваат дека цивилите ќе можат да заминат во Русија и Белорусија.

Коридорот од Киев ќе води до рускиот сојузник Белорусија, а цивилите од Харков ќе имаат само коридор што води кон Русија.

Коридорите од градовите Мариупол и Суми ќе водат и до други украински градови и до Русија, пренесува новинската агенција АФП.

Important detail – the routes go into either Belarus or Russia.

— James Waterhouse (@JamWaterhouse) March 7, 2022

Макрон не побарал коридорите да водат кон Русија

Францускиот претседател Емануел Макрон негира дека побарал тие коридори да водат во Русија, пишува францускиот медиум BFMTV.

„Претседателот на Републиката ниту побара, ниту доби коридори за Русија по неговиот разговор со Владимир Путин“, изјавија од Елисејската претседателска палата за BFMTV.

„Претседателот на Републиката упорно бара да се остави цивилното население да си оди и да се дозволи транспорт на помош“ додаваат тие.

„Тоа е уште еден начин Путин да го истурка својот наратив и да каже дека Украинците се тие кои се агресори и тие се оние кои нудат азил на сите“ велат од Елисејската палата.

https://twitter.com/BFMTV/status/1500732049396797441