Некогашниот голем англиски фудбалски талент, Деле Али, би можел предвреме да стави крај на својата професионална кариера. Според последните информации од Италија, фудбалерот отпаднал од плановите на Комо за новата сезона, по што започнал да размислува за повлекување од фудбалот на само 29 години.

Али се проби на големата сцена во 2015 година, кога како млад играч направи трансфер од МК Донс во редовите на Тотeнхем за сума од околу 5 милиони фунти. Најдобрата сезона ја имаше во дресот на „петлите“ во 2016/17, кога постигна импресивни 18 голови во Премиерлигата и се наметна како една од ѕвездите на англискиот фудбал.

Но, по тој блесок, неговата кариера тргна во надолна линија. Повредите, падот на формата и личните борби со депресија му го отежнаа враќањето на високо ниво. Евертон се обиде да му даде нова шанса, но не успеа да се наметне ниту на „Гудисон Парк“.

Во обид за рестарт, во јануари годинава се пресели во италијанскиот Комо, каде доби поддршка од спортскиот директор Сеск Фабрегас. Сепак, дури и таму не доби вистинска шанса, одигра едвај неколку минути во Серија А.

Според италијанските медиуми, клубот веќе го исклучил од подготовките и му дал инструкции да тренира самостојно. Овој развој на настаните, велат извори блиски до фудбалерот, го навел Али сериозно да размислува за пензија.