Бразилецот во 2017 година замина во ПСЖ токму од Барселона, а во последните година дена постојано се шпекулира за негово враќање на „Камп Ноу“.

Минатото лето челниците на Барселона не успеаја да се договрат во францускиот тим и се очекува во наредниот преоден рок со сите сили да тргнат по неговиот потпис.

Но, освен за Нејмар, управата размислува за ангажирање и на одличниот напаѓач на Интер, Лаутаро Мартинез чија откупна клаузула од 1 до 15 јули ќе изнесува 111 милиони евра.

Поранешниот играч на Барселона, Ривалдо, смета дека приоритет за управата на каталонците треба да биде Нејмар.

– Иако Лаутаро Мартинез е добар фудбалер, мислам дека Нејмар е посигурно решение за првиот тим на Барселона. Во претходните неколку сезони многу добри фудбалери не успеаја да ги исполнат очекувањата и да играат покрај Меси. Нејмар исто како и Луис Суарез, е еден од ретките фудбалери на светот кој не чувствува притисок на теренот, никогаш не се плаши. Тој би бил посигурно решениот за Барселона во овој момент, додека Мартинез е млад и талентиран играч кој за 2-3 години би бил добро засилување – смета Ривалдо.